كيف تجعل محتوى موقعك أكثر ربحية

التسويق عبر الفيسبوك والاستغلال الامثل لزيادة نشاطك التجاري
(Last Updated On: July 18, 2019)

زي ما شرحنا قبل كده المحتوى الجيد والمفيد بيخلي العميل يرتبط بشركتك أكتر, وعشان كده في المقالة دي هنشرح لك تفصيليًا ازاي تعمل المحتوى المظبوط

  • خليك في المكان اللي موجود فيه عميلك
    هل منتجك استهلاكي زي المحمول أو الملابس فتكون على السوشيال ميدييا بشكل أكبر ولا منتجك متخصص جدًا فتكون على جوجل لما العميل بيحث عنك ولا تستخدم الأثنين؟
  • اعمل محتوى تتفاعل بيه مع عميلك المحتمل
    يعني قدم له المعلومات اللي هو فعلًا محتاجها زي ازاي تستخدم المنتج بشكل صحيح وازاي تحافظ عليه أو ازاي تستخدمة بشكل أسرع
  • قدم محتوى في شكل قصة 
    لو مجالك يسمح بكده استخدم القصص عشان الملل ومعظم الناس مش بتحب تقرأ كتير 
  • المحتوى المناسب لكل وسيلة تواصل
    يعني في الفيسبوك اعمل صورة حلوة مع كلام تحتها, في انستجرام ركز على الصور بس ولازم جودتها تكون عالية, في اليوتيوب أعمل فيديو تفاعلي كويس حتى ولو كلفك, يعني مش مجرد نصوص بتتحرك وخلاص
  • هدف واحد للمحتوى 
    أسوأ شئ في الدنيا هو التشتيت, فركز أنت عاوز ايه بالظبط من قطعة المحتوى اللي هتنشرها, عاوز الناس تدخل موقعك ولا عاوزهم يتصلوا بك تليفونيًا, الايميل بتاعهم. وهكذا
  • الإستمرارية ثم الإستمرارية
    لازم تنزل المحتوى بشكل دوري, يومي أو أسبوعي حسب نشاطك ووقتك المتاح, لإن قرار شراء العملاء مش بيكون سهل, لازم تكون أمامة دائمٍا ويكون فاكرك وممكن يوصي صحابه كمان يشتروا منك.
  • اتكلم عن منتجك أو خدمتك مش شركتك
    مثال: لو انت محل موبايلات اتكلم عن مميزات التليفون الفلاني او ازاي تستخدم السوفت وير بتاعة بشكل أفضل, مش كل يوم “أنا ببيع أنا بييع تعالوا اشتروا مني 🤣” كده الناس هتزهق منك
لو حابب تعرف كل حاجة عن التسويق بالمحتوى دوس على الرابط التالي الدليل الشامل لخطة التسويق بالمحتوى
WhatsApp chat