الدليل الشامل لخطة التسويق بالمحتوى

في الوقت الحالي التسويق بالمحتوى هو الأساس في أي نشاط تجاري, وكمان أصبح من الصعب انك تكون موجود وناجح في كل مواقع التواصل إلاجتماعي لانها أصبحت متعددة , والتسويق مبقاش زي زمان, يعني مفيش بيع مباشر لمسؤول المبيعات عندك يتصل بعملاء محتملين ويقلهم على نشاط شركتك وبعدين تخلص البيعة, حاليًا الزبون بيدور على النت الأول ويشوف ويقارن وبعدين يتصل بالآنسب فعشان كده لازم تكون جاهز دائمًا, وطول ما عندك محتوى قوي ومفيد, ده هيدي ثقة لعميلك المحتمل, فإن شاء الله في سلسلة المقالات الجاية هنتعلم كل شئ عن المحتوى المظبوط اللي يجيب لك زبون 👍

  • ازاي تعمل خطة مظبوطة لمحتوى موقعك أو صفحتك على الفيسبوك
  • ازاي تنشر وتسوق للمحتوى بتاعك
  • ازاي تقيس نجاح المحتوى بتاعك وتعرف نقاط القوة والضعف

الخلاصة أن التسويق بالمحتوى مش هيخليك بس ناجح ومنتشر في مجالك, ده كمان هيخليك مصدر معلومات في مجالك وتكون كبير السوق 💰💰

تعريف التسويق بالمحتوى

هي انك تعمل محتوى مفيد لعملائك المحتملين يشدهم ليك ويعرفوا اكثر عن شركتك أو خدماتك.

أهمية التسويق بالمحتوى

حاليًا كل عملاؤك المحتملين بيوصل لهم عروض على رسائل المحمول أو على الأيميل بتاعهم أو حتى إعلانات الفيسبوك, فأيه اللي يخلي عميلك يسيب كل المنافسين ويختارك أنت؟ أكيد طبعًا التسويق بالمحتوى هو اللي هيعمل علاقة بين منتجك والعميل لأنك بتفيده وبتديله نصايح. ودة طبعًا هيعود عليك بزيادة المتابعين لك وبالتالي الأرباح

فوائد التسويق بالمحتوى

باختصار 3 عوامل أساسية هيخليك تبدأ بتحسين المحتوى بتاعك سواء على ال website أو صفحتك على السوشيال ميديا

  • بيعرف العملاء بمنتجك بشكل أسرع (Brand awareness)
  • بتاخد أفضلية عند الإختيار بينك وبين منافسيك (Brand preference)
  • سرعة وصول أكثر لعملاء أكثر بتكلفة أقل
التسويق عبر الفيسبوك والاستغلال الامثل لزيادة نشاطك التجاري