ازاي تعمل خطة لمحتوى موقعك

ازاي تعمل خطة لمحتوى موقعك
(Last Updated On: March 2, 2019)

التسويق الألكتروني باختصار هو تسويق لمحتوى يجذب مهتمين لخدمتك أو منتجك, عشان كدة لازم يكون عندك خطة واضحة للمحتوى على الأقل لشهر مقدمًا. وده اللي هنوضحة في المقالة دي

بناء فريق المحتوى

إعداد فريق كتابه المحتوى هو اهم شئ يجب التفكير في أولًا, وهنا فكر الأول عندك أمكانية تجيب واحد متخصص ولا تعمل أنت كل حاجة لوحدك؟ لو تقدر تعمل فريق فكدة أنت عندك 3 عناصر لفريقك

  • مدير الفريق
    وده دورة يتلخص في عمل استراتيجية المحتوى واعداد الجدول الزمني لنشر المحتوى طبقا للاستراتيجية التي تم تحديدها سابقا, والتنسيق بين أعضاء الفريق.
  • المدير المساعد
    التواصل بشكل أكبر مع فريق المحتوى ومراقبة المحتوى هل هو متوافق مع سياسة الشركة أم لا, وإدارة المدونة بشكل يومي.
  • كاتب المحتوى
    ودة ممكن يكون واحد فقط أو مجموعة حسب كثافة المحتوى اللي هيتم نشره, وكمان بيندرج تحتهم المصمم المسؤول عن شكل التصميمات لمنشورات الشركة. وكمان مصمم الفيديوهات.

ملحوظة: لو أنت تخصص شركتك احترافي جدًا لازم يكون في واحد متخصص في المجال يشارك في كتابة المحتوى وبعدين مسؤول المحتوي يقوم بصياغة الكلام بشكل مناسب.

Buyer Persona

مش لاقي تعريف مناسب لها بالعربي, ولكنها في المجمل انك تعمل المحتوى بتاعك على أساس عميل محتمل أنت مستهدفة في ذهنك, مثل فئته العمرية, مستوى معيشته, مستواه التعليمي وده هيفيدك في 3 نقاط

  • تحديد نوع المحتوى اللي هينزل في صفحتك أو موقعك الالكتروني. يعني هيكون محتوى خفيف ومختصر ولا شروح تفصيلية
  • تحديد نوع المقالات والمواضيع. مثلًا المحتوى يكون كيفية استخدام المنتج بشكل أفضل وأسرع أو الحفاظ على المنتج من التلف أو مقارنة منتج الشركة ب منتجات الشركات الاخرى
  • تحديد أسلوب المقالات Tone Of Voice
    المحتوى يكون خفيف وفيه شئ من المرح, ولا محتوى تعليمي جاد, بالعامية ولا بالعربية وهكذا.

ازاي تحدد ال Buyer Persona لشركتك؟

أهم مصدر للمعلومات هو فريق البيع وخدمة العملاء عندك في الشركة هتقدر تعرف منهم بالظبط المستوى الاجتماعي للعملاء وأسلوبهم في الكلام ونسبة رضائهم عن المنتج.

تحديد أهداف المحتوى لشركتك

أسأل نفسك الاول 5 أسئلة

    • ما هي الاهداف قصيرة المدى لشركتي؟
    • ما هي الاهداف طويلة المدى لشركتي؟
    • الامكانيات المادية المتاحة الان؟ هل تقدر تنشر محتوى مفيد وايضًا بكثافة أم لا, تقدر تعمل إعلانات أم لا.
    • الكلمات التي يبحث عنها المستخدمون في كلمات البحث؟  وده مفيد في انك تكتب مقالاتك في المواضيع اللي يبحث عنها المستخدمون في الانترنت وأفضل أداة هي Google Keyword Planner
    • محتوى المنافسين؟ تقدر تعرف نقاط القوة والضعف فيه وكمان مدى رضا عملائهم عن المنتج

    جدولة المحتوى

    حسب طبيعة نشاطك يتم جدولة المحتوى. هل تنشر بشكل يومي, أسبوعي, نصف شهري؟ وطبعا من خلال استخدام Facebook analytics أو Google Analytics تقدر تعرف اكثر وقت زوارك بيكونوا موجودين في صفحتك أو موقعك وتنشر فيه. وكمان خلى بالك هل في أعياد شهرية ممكن تستغلها في تقديم عروض لعملائك مثل عيد الأم, شم النسيم, الأعياد الدينية

لو حابب تعرف كل حاجة عن التسويق بالمحتوى دوس على الرابط التالي الدليل الشامل لخطة التسويق بالمحتوى